Рускиот математичар Григориј Перељман ја проигнорира премијата од 1 милион долари, која му беше доделена од американскиот Математички институт Клеј. Лауреатот не дојде на церемонијата на наградување, која се одвиваше денес (вторник) во рамките на математичкиот симпозиум во Париз, каде него настојчиво го покануваа приредувачите на наградата.

Во врска со отсуството на Перељман симболично сертификатот на премијата беше врачен на друг руски математичар – Михаил Громов, кој работи во Франција, и Франсоа Пуанкаре, внук на творецот на топологиската хипотеза, која предлага, дека пространството претставува тродимензионална сфера со точност до деформација. На докажување на дадената теорема најдобрите умови се напрегаа повеќе од еден век, и дури во почетокот на XXI век таа задача му се покори на Григориј Перељман.

На македонскиот граѓанин, како и на американскот, ништо не му значи цифрата меѓу 25,000 и 95,000 барели дневно, колку исфрла вулканот нафта од длабочините на земјата. Но затоа сликите од замастените пеликани од бреговите на Лујзијана остануваат зацртани во потсвеста и ја нема таа „пеликан“ гумичка што може да ги избрише.

Нафтата од длабоките хоризонти според најрелевантните проценки ќе продожи да ја замастува водата и паралелно да го лубрицира гневот на јужњаците со секој поминат ден со долар памалку, се додека помошната бушотина временски предвидена да пробие околу Илинден не го олесни нафтениот притисокот . Отприлика тоа е рокот за пробивање на хименот, или на политичката девица Обама, или на корпоративниот Оттаде Петролеум – BP.

Со сите бисери кои  во последно време се’ повеќе ги слушаме како начин на убедување да си го смениме името, во денешната изјава на грчката амбасадорка Пападопулу акредитирана во Македонија покрај примерот со “слонот во собата“ , имаше и една многу коректна реченица. “ Бизнисите што сакаме да ги донесеме овде ќе направат пари. Вашата земја ќе има корист. “ Да, сосема многу коректно кажано, освен што реченицата не беше докрај добро формулирана.   Грците си направија добро тло за правење пари. Нивната земја и тoa каков корист си направи до сега од “нашата земја“ ( најверојатно во нејзината глава мисли Република Македонија или FYROM, само таа си знае) со нивните инвстиции во Македонија.

Госпоѓата се расфрла со високоумни изјави и дели лекции инвестициско-политички лекции. Но, правило број два на инвестоторот, еве гратис нека и бидне на амбасадорката правилото број еден,  е да ја провери веродостојноста и кредибилитетот на потенцијалниот партнер за деловната соработка.

Оп, оп, стоп! Веднаш излезе нешто тазе со гуглањето (ако ви бара претплата преку насловот во гугл влегувате во статијата). Фајнешјл Тајмс: Greek central bank faces short selling claims

Или накратко срочено, грчките банки на чело со Хелас Поштенската Банка во сопственост на државата самите се кладеле на сопственото хеленско пропаѓање на пазарите на финасиски деривати.  Уште попластично, водечките грчки банки се докажале како тројански коњи на финасиските пазари, самите се осигурувале од пожарот што самите го подметнувале…

- Ако ми дадете пари, кога ќе одам дома, мажот ми ќе ни ги земе, ќе купи алкохол и ќе се напие. Па после ќе ме тепа за уште пари да му дадам и секој следен пат кога ќе дојдам дома ќе ми бара пари. А вака ќе види дека сум донесла само за јадење и тоа е тоа. Ако сака нека јаде, ако не не мора…..
Седи уште малку да прибере душа. Каснуваат малку таа и детето од тоа што им го дадовме, а остатокот го пакува во најлонче, па го става во количката. Полека тргнуваат понатаму…. Во својот т.н. живот. …

Денес е светскиот ден на интелектуална сопственост кој се одбележува по десети пати. Под капата на WIPO (Светската организација за интелектуална сопственост), негова цел е да ја подигне јавната свест и разбирањето за сите овие прашања, но и да ја слави креативноста.

Вообичаено, во Македонија денот се одбележува со палење на музички дискови на Дрисла и некој пригоден говор од претставници од надлежните институции. Овој текст, заедно со уште неколку други настани денес, е обид да се претстави и другата страна на приказната. Музика издадена под лиценци на Криејтив комонс ќе има на скопското радио Канал 103, а неколку документарни филмови за авторските права и патентите ќе се прикажуваат од 19 часот во просториите на Арт институтот и хаклабот КИКА.

Едно утро, пред релативно кусо време, Ју Пењан се разбудил и, пиејќи го утринскиот чај, решил да го донира сето свое богатство (проценето на 1,2 милијарди хартии во зелена боја) на сиромашните.

Ако моите деца се поспособни од мене, ним нема да им требаат овие пари, си помисли Ју Пењан, а ако не се способни – така некако течеше неговата мисла – тогаш, многу пари само ќе им штетат во животот. Потоа, Ју ја зеде малата црвена книшка и прочита: „Обврска на партиските кадри е да им служат на луѓето. Нивната работа е бесцелна, ако тие ги немаат земено при срце интересите на народот“. Ју си го допи чајот, ја нафрли наметката врз свилените пижами и го повика секретарот, кој во претсобјето го чекаше будењето на тајкунот. Ју беше нестрплив да се фати за работа: количеството на зелени хартии што требаше да се подели беше огромно.

реклами, реклами… секаде околу нас. на билборди, на телевизија, на коли, на автобуси, на јадењето, на пиењето, на комукацијата, на мозокот, на животот. така е добро осмислено, за каде и да се завртиш, мора нешто да ти го одвлече вниманието кон продуктот. купи ме мене, подобро сум спакуван, јади ме мене, имам 30 проценти повеќе вистинско месо и слични глупости. стварно незнам од кај да почнам со набројување на маркетиншките глупостарии. да почнам од обичен ден. будење од кревет. ок. нема реклами. идење во веце и одма за добро утро…реклама! и тоа на пастата за заби. значи не е обична регуларна паста, туку оваа е ADVANCED CLEAN. да, да. незневте?!? научниците од Наса ја развивале неколку години само за да напредно ги исчисти вашите заби. и тоа само заради вас, зошто вие сигурно не се задоволувате со ништо помалку од напредно и екстра и ултимативно чисти заби… и пазете на овие воздушести англиски зборови како advanced, extra, super, total, ultimate, и слични англиски деривати кои ги дујат самите реченици во кои се поставени. од веце, облакање и правец накај автобус, со чипс во рака. на светкавата фолија е напишано НОВО! ахам…. значи ново, а?!?! а од кога тоа пржен компир во зејтин е нова работа?!??!